വാഷിംഗ്ടൺ ഡിസി: വൈറ്റ് ഹൗസിലെ ഡപ്യൂട്ടി പ്രസ് സെക്രട്ടറിയായി ഇന്ത്യൻ വംശജനായ കുഷ് ദേശായിയെ യുഎസ് പ്രസിഡന്‍റ് ഡോണൾഡ് ട്രംപ് നിയമിച്ചു. വെള്ളിയാഴ്ചയാണ് ഇക്കാര്യം വൈറ്റ് ഹൗസ് ഔദ്യോഗികമായി അറിയിച്ചത്.
ദ് ഡെയ്ലി കോളർ പത്രത്തിൽ പ്രവർത്തിച്ചിരുന്ന ദേശായി 2018 ൽ റിപ്പബ്ലിക്കൻ പാർട്ടിയുടെ റിസർച് അനലിസ്റ്റായി. തെരഞ്ഞെടുപ്പ് കാലത്ത് പെൻസിൽവേനിയ കമ്യൂണിക്കേഷൻ ഡയറക്ടറായി പ്രവർത്തിച്ചു. ഈ പ്രവിശ്യയിലെ 7 മണ്ഡലങ്ങളിലും ട്രംപ് വിജയിച്ചതോടെ ദേശായിയുടെ മികവ് രാജ്യവ്യാപകമായി ശ്രദ്ധിക്കപ്പെട്ടിരുന്നു.