കു​വൈ​റ്റ് സി​റ്റി: കു​വൈ​റ്റും യു​ണൈ​റ്റ​ഡ് കിം​ഗ്ഡ​വും ത​മ്മി​ലു​ള്ള 125 വ​ർ​ഷ​മാ​യു​ള്ള ന​യ​ത​ന്ത്ര ബ​ന്ധ​ത്തെ അ​ട​യാ​ള​പ്പെ​ടു​ത്താ​നാ​യി ന​ട​ക്കു​ന്ന ഒ​രു വ​ർ​ഷം നീ​ണ്ടു​നി​ൽ​ക്കു​ന്ന ആ​ഘോ​ഷ​ങ്ങ​ളു​ടെ ഭാ​ഗ​മാ​യി സം​ഘ​ടി​പ്പി​ച്ച കു​വൈ​റ്റ് - ബ്രി​ട്ടീ​ഷ് ഓ​ർ​ക്ക​സ്ട്ര യു​ണൈ​റ്റ​ഡ് ഇ​ൻ ഹാ​ർ​മ​ണി പ​രി​പാ​ടി ഗം​ഭീ​ര​മാ​യി.

റോ​യ​ൽ ഫി​ൽ ഹാ​ർ​മോ​ണി​ക് ഓ​ർ​ക്ക​സ്ട്ര​യി​ലെ(​ആ​ർ​പി​ഒ) സം​ഗീ​ത​ജ്ഞ​രെ​യും ക​ഴി​വു​ള്ള കു​വൈ​റ്റ് ക​ലാ​കാ​ര​ന്മാ​രെ​യും അ​ണി​നി​ര​ത്തി​യാ​യി​രു​ന്നു ഓ​ർ​ക്ക​സ്ട്ര സം​ഘ​ടി​പ്പി​ച്ച​ത്.

ഇ​രുരാ​ജ്യ​ങ്ങ​ളും ത​മ്മി​ലു​ള്ള ആ​ഴ​ത്തി​ലു​ള്ള സാം​സ്കാ​രി​ക​വും ച​രി​ത്ര​പ​ര​വു​മാ​യ ബ​ന്ധം ആ​ഘോ​ഷി​ക്കു​ന്ന​താ​യി പ​രി​പാ​ടി. പാ​ശ്ചാ​ത്യ ശാ​സ്ത്രീ​യ സം​ഗീ​ത​ത്തി​ന്‍റെ​യും പ​ര​മ്പ​രാ​ഗ​ത കു​വൈ​റ്റ് മെ​ല​ഡി​ക​ളു​ടെ​യും സ​മ​ന്വ​യ​മാ​യി​രു​ന്നു പ​രി​പാ​ടി.


കു​വൈ​റ്റ് സാം​സ്കാ​രി​ക പൈ​തൃ​ക​ത്തി​ൽ നി​ന്ന് പ്ര​ചോ​ദ​നം ഉ​ൾ​ക്കൊ​ണ്ട മൊ​സാ​ർ​ട്ട്, എ​ൽ​ഗ​ർ തു​ട​ങ്ങി​യ പ്ര​മു​ഖ സം​ഗീ​ത സം​വി​ധാ​യ​ക​രു​ടെ സം​ഗീ​ത നി​ശ​യാ​യി​രു​ന്നു മു​ഖ്യ ഇ​നം.

കു​വൈ​റ്റി​ൽ ന​ട​ക്കു​ന്ന ഗ​ൾ​ഫ് സ​ഹ​ക​ര​ണ കൗ​ൺ​സി​ലി​ന്‍റെ(ജി​സി​സി) 45-ാ​മ​ത് ഉ​ച്ച​കോ​ടി റി​പ്പോ​ർ​ട്ട് ചെ​യ്യാ​ൻ വ​ന്ന മാ​ധ്യ​മ​പ്ര​വ​ർ​ത്ത​ക​ർ​ക്ക് ജാ​ബി​ർ അ​ൽ അ​ഹ്മ​ദ്‌ ഹാ​ളി​ൽ ന​ട​ന്ന ഓ​ർ​ക്ക​സ്ട്ര ആ​സ്വ​ദി​ക്കാ​ൻ സം​ഘാ​ട​ക​ർ സൗ​ക​ര്യ​മൊ​രു​ക്കി​യി​രു​ന്നു.