കുവൈത്ത്: കുവൈത്തിലെ സാധാരണകാരായ കലാകാരന്മാരെ പ്രോത്സാഹിപ്പിക്കുന്ന പ്രമുഖ കൂട്ടായ്മ മുഹബത്ത് മൈലാഞ്ചി മൊഞ്ചുള്ള ഓണം ആഘോഷിച്ചു. അബാസിയ പോപ്പിൻസ് ഹാളിൽ രാവിലെ അത്തപൂക്കളമിടലോടുകൂടി പരിപാടിക്ക് തുടക്കം കുറിച്ചു.
വിഭവ സമ്യതമായ സദ്യയും കൂട്ടായ്മയിലെ അംഗങ്ങൾ അവതരിപ്പിച്ച തിരുവാതിര, ഡാൻസ്, നാടൻ പാട്ടുകൾ തുടങ്ങിയവ ആഘോഷത്തിൻ മാറ്റു കൂട്ടി. വൈകിട്ട് നടന്ന സാംസ്കാരിക ചടങ്ങിൽ പ്രസിഡന്‍റ് നിയാസ് മജീദിന്‍റെ അധ്യക്ഷതയിൽ കുവൈത്തിലെ സാമൂഹിക സാംസ്കാരിക പ്രവർത്തകനും മുഹബത് രക്ഷാധികാരിയുമായ സത്താർ കുന്നിൽ ഉദ്ഘാടനം ചെയ്തു. വിനോദ് പെരേര, അൻസാർ കൊല്ലം, ഖാലിദ് മാക്ക്, മഹമൂദ് പെരുന്പ, അബ്ദുള്ള കടവത്ത്, സുബി, വനജ രാജൻ, രജനി, സുമ ആശംസകളർപ്പിച്ചു.
പ്രളയത്തിൽ നാശനഷ്ടം സംഭവിച്ച കൂട്ടായ്മയിലെ അംഗങ്ങൾക്കുള്ള ധനസഹായം ട്രഷറർ സുഹൈൽ ബല്ല സത്താർ കുന്നിലിൻ കൈമാറി. ജന. സെക്രട്ടറി നവാസ് അലി സ്വാഗതവും സുഹൈൽ ബല്ല നന്ദിയും പറഞ്ഞു. നൗഫൽ, മുനീർ, റോയ് മാത്യു, അഞ്ചു ആന്‍റണി, റഷീദ് മണ്ണാർക്കാട് തുടങ്ങിയവർ പരിപ്പാടിക്ക് നേതൃത്വം നൽകി. തുടർന്ന് റസാഖും കൂട്ടരും അവതരിപ്പിച്ച ഗാനമേളയും അരങ്ങേറി.
റിപ്പോർട്ട്: സലിം കോട്ടയിൽ