പ്ലാ​സ്റ്റി​ക് സൂ​ക്ഷി​ച്ച കെ​ട്ടി​ട​ത്തി​നു തീ​വ​ച്ച​യാ​ൾ പി​ടി​യി​ൽ
Sunday, April 2, 2023 12:16 AM IST
കി​ഴ​ക്ക​മ്പ​ലം: പൂ​തൃ​ക്ക പ​ഞ്ചാ​യ​ത്തി​ലെ ഉ​പ​യോ​ഗ​ശൂ​ന്യ​മാ​യ പ്ലാ​സ്റ്റി​ക് ശേ​ഖ​രി​ച്ച് സൂ​ക്ഷി​ച്ചി​രു​ന്ന പ​ഞ്ചാ​യ​ത്തു കെ​ട്ടി​ട​ത്തി​നു തീ​വ​ച്ച​യാ​ൾ പി​ടി​യി​ൽ. ഐ​ക്ക​ര​നാ​ട് സൗ​ത്ത് പ​രി​യാ​രം മീ​മ്പാ​റ ക​ദ​ളി​പ്പ​റ​മ്പി​ൽ ശ​ങ്ക​ർ(44) നെ​യാ​ണ് പു​ത്ത​ൻ​കു​രി​ശ് പോ​ലീ​സ് പി​ടി​കൂ​ടി​യ​ത്.
ക​ഴി​ഞ്ഞ് 24ന് ​പു​ല​ർ​ച്ചെ ഒ​ന്നി​നാ​യി​രു​ന്നു സം​ഭ​വം. ഇ​യാ​ളു​ടെ കു​ടും​ബ​വീ​ടി​നു സ​മീ​പ​മാ​ണ് പ്ലാ​സ്റ്റി​ക് സൂ​ക്ഷി​ച്ചി​രു​ന്ന പ​ഞ്ചാ​യ​ത്ത് കെ​ട്ടി​ടം സ്ഥി​തി ചെ​യ്തി​രു​ന്ന​ത്. ഇ​വി​ടെ പ്ലാ​സ്റ്റി​ക്ക് സൂ​ക്ഷി​ച്ച​തി​ലു​ള്ള വി​രോ​ധ​മാ​ണ് തീ​വ​യ്ക്കാ​ൻ കാ​ര​ണ​മെ​ന്ന് പ്ര​തി പോ​ലീ​സി​നോ​ട് പ​റ​ഞ്ഞു. മൂ​ന്നു​നി​ല കെ​ട്ടി​ട​ത്തി​ന്‍റെ ഒ​ന്നാം നി​ല​യി​ലെ ഏ​ഴ് ക​ട​മു​റി​ക​ളി​ലും മു​റ്റ​ത്തു​മാ​യി സൂ​ക്ഷി​ച്ചി​രു​ന്ന പ്ലാ​സ്റ്റി​ക്കും, ഇ​ത് പൊ​ടി​ക്കാ​നു​പ​യോ​ഗി​ക്കു​ന്ന മെ​ഷീ​നു​ക​ളും, കെ​ട്ടി​ട​ത്തി​ന്‍റെ വ​യ​റിം​ഗു​ക​ളും തീ​വ​യ്പി​ൽ ക​ത്തി​ന​ശി​ച്ചു. സം​ഭ​വ​ത്തി​നു ശേ​ഷം പ്ര​തി വ​യ​നാ​ട്ടി​ൽ ഒ​ളി​വി​ലാ​യി​രു​ന്നു.
ഡി​വൈ​എ​സ്പി ടി.​ബി. വി​ജ​യ​ൻ, സി​ഐ ടി. ​ദി​ലീ​ഷ്, എ​സ്ഐ കെ.​എ​സ്. ശ്രീ​ദേ​വി എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

Copyright @ 2022 , Rashtra Deepika Ltd.