ആ​യു​ർ​വേ​ദ റി​സ​ർ​ച്ച് സെ​ൽ : കാ​യി​ക ചി​കി​ത്സാവി​ഭാ​ഗം: ആ​ദ്യഘ​ട്ട കെ​ട്ടി​ടനി​ർ​മാ​ണം പൂ​ർ​ത്തി​യാ​യി
Wednesday, June 26, 2024 3:42 AM IST
തൊ​ടു​പു​ഴ: ജി​ല്ലാ ആ​യു​ർ​വേ​ദ ആ​ശു​പ​ത്രി​യോ​ട​നു​ബ​ന്ധി​ച്ച് നി​ർ​മി​ക്കു​ന്ന സ്പോ​ട്സ് ആ​യു​ർ​വേ​ദ റി​സ​ർ​ച്ച് സെ​ല്ലി​നാ​യു​ള്ള പു​തി​യ കെ​ട്ടി​ട​ത്തി​ന്‍റെ ആ​ദ്യ​ഘ​ട്ട നി​ർ​മാ​ണം പൂ​ർ​ത്തി​യാ​യി. നാ​ഷ​ണ​ൽ ആ​യു​ഷ്മി​ഷ​നി​ൽ നി​ന്നു​ള്ള ഒ​രു കോ​ടി​യാ​ണ് നി​ർ​മാ​ണ​ത്തി​നാ​യി വി​നി​യോ​ഗി​ച്ച​ത്.
റ​വ​ന്യുവ​കു​പ്പ് വി​ട്ടു ന​ൽ​കി​യ 43.24 സെ​ന്‍റ് പു​റ​ന്പോ​ക്ക് ഭൂ​മി​യി​ലാ​ണ് കെ​ട്ടി​ടം നി​ർ​മി​ച്ച​ത്. നി​ർ​മാ​ണം പൂ​ർ​ത്തി​യാ​യ കെ​ട്ടി​ട​ത്തി​ൽ ഒ​പി വി​ഭാ​ഗം ഉ​ൾ​പ്പെ​ടെ​യു​ള്ള പ്ര​വ​ർ​ത്ത​നം ഉ​ട​ൻ ആ​രം​ഭി​ക്കാ​നു​ള്ള നീ​ക്ക​ത്തി​ലാ​ണ് അ​ധി​കൃ​ത​ർ.

തൊ​ടു​പു​ഴ ജി​ല്ലാ ആ​യു​ർ​വേ​ദ ആ​ശു​പ​ത്രി​യോ​ട​നു​ബ​ന്ധി​ച്ച് 2009-ൽ ​ആ​ണ് കാ​യി​ക താ​ര​ങ്ങ​ളു​ടെ ചി​കി​ൽ​സ​യ്ക്കും മ​റ്റു​മാ​യി സ്പോ​ർ​ട്സ് ആ​യു​ർ​വേ​ദ റി​സ​ർ​ച്ച് സെ​ൽ പ്ര​വ​ർ​ത്ത​നം ആ​രം​ഭി​ച്ച​ത്. ദേ​ശീ​യ - അ​ന്ത​ർ ദേ​ശീ​യ കാ​യി​ക​താ​ര​ങ്ങ​ള​ട​ക്കം ആ​യി​ര​ക്ക​ണ​ക്കി​ന് പേ​രാ​ണ് ഇ​വി​ടെ ചി​കി​ൽ​സ തേ​ടി പ​രി​ക്കു​ക​ളി​ൽ നി​ന്നും മു​ക്ത​രാ​യ​ത്.

രാ​ജ്യ​ത്തി​ന​ക​ത്തും പു​റ​ത്തു നി​ന്നു​മു​ള്ള പ്ര​മു​ഖ കാ​യി​ക താ​ര​ങ്ങ​ള​ട​ക്കം ഇ​വി​ടെ ചി​കി​ൽ​സ തേ​ടി​യി​രു​ന്നു. ഇ​തോ​ടെ കാ​യി​ക ചി​കി​ൽ​സാ വി​ഭാ​ഗ​ത്തി​നാ​യി ആ​ധു​നി​ക സൗ​ക​ര്യ​ങ്ങ​ളു​ള്ള കെ​ട്ടി​ടം വേ​ണ​മെ​ന്ന ആ​വ​ശ്യം ശ​ക്ത​മാ​യി​രു​ന്നു.

നി​ല​വി​ലു​ണ്ടാ​യി​രു​ന്ന ആ​ശു​പ​ത്രി കെ​ട്ടി​ട​ത്തി​ലെ പ​രി​മി​ത​മാ​യ സൗ​ക​ര്യ​ത്തി​ലാ​ണ് സ്പോ​ർ​ട്സ് ആ​യു​ർ​വേ​ദ സെ​ൽ പ്ര​വ​ർ​ത്തി​ച്ചു വ​രു​ന്ന​ത്. ഇ​തി​നാ​യി പു​തി​യ കെ​ട്ടി​ടം നി​ർ​മി​ക്ക​ണ​മെ​ന്നു​ള്ള ആ​വ​ശ്യം ഇ​വി​ടെ ചി​കി​ൽ​സ​ക്കെ​ത്തി​യ കാ​യി​ക താ​ര​ങ്ങ​ള​ട​ക്കം ആ​വ​ശ്യ​പ്പെ​ട്ടി​രു​ന്നു.

ഇ​തെത്തു​ട​ർ​ന്ന് സ്പോ​ർ​ട്സ് വി​ഭാ​ഗ​ത്തി​നാ​യി ആ​ധു​നി​ക സൗ​ക​ര്യ​ങ്ങ​ളോ​ടെ കെ​ട്ടി​ടം നി​ർ​മി​ക്കു​ന്ന​തി​നാ​യി നി​ർ​ദേ​ശ​ങ്ങ​ൾ അ​ട​ങ്ങി​യ വി​ശ​ദ​മാ​യ റി​പ്പോ​ർ​ട്ട് ആ​ശു​പ​ത്രി അ​ധി​കൃ​ത​ർ സ​ർ​ക്കാ​രി​ന് സ​മ​ർ​പ്പി​ച്ചു. ഡീ​ൻ കു​ര്യാ​ക്കോ​സ് എം​പി​യും കേ​ന്ദ്ര ആ​യു​ഷ്മി​ഷ​നി​ൽ ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തി. ജി​ല്ല​യി​ൽ ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള കാ​യി​ക ചി​കിത്സാ കേ​ന്ദ്രം ആ​രം​ഭി​ക്കാ​നാ​യി​രു​ന്നു പ​ദ്ധ​തി.

എ​ന്നാ​ൽ ന​ട​പ​ടി ക്ര​മ​ങ്ങ​ൾ വൈ​കി​യ​തി​നാ​ൽ ര​ണ്ടു വ​ർ​ഷം മു​ന്പെ​ങ്കി​ലും നി​ർ​മാ​ണം പൂ​ർ​ത്തി​യാ​ക്കേ​ണ്ട സ്ഥാ​പ​ന​ത്തി​ന് വൈ​കി​യാ​ണ് അ​നു​മ​തി ല​ഭി​ച്ച​ത്. ഇ​തി​നി​ടെ തൃ​ശൂ​രി​ൽ ആ​ധു​നി​ക സൗ​ക​ര്യ​ങ്ങ​ളോ​ടെ ആ​യു​ർ​വേ​ദ കാ​യി​ക ആ​ശു​പ​ത്രി പ്ര​വ​ർ​ത്ത​നം ആ​രം​ഭി​ക്കു​ക​യും ചെ​യ്തു.
തൃ​ശൂ​രി​നു പു​റ​മെ തി​രു​വ​ന​ന​ന്ത​പു​ര​ത്താ​ണ് ആ​യു​ർ​വേ​ദ കാ​യി​ക ചി​കി​ൽ​സാ കേ​ന്ദ്ര​മു​ള്ള​ത്. കോ​ട്ട​യം, ഇ​ടു​ക്കി, പ​ത്ത​നം​തി​ട്ട ജി​ല്ല​ക​ൾ​ക്കാ​യാ​ണ് ഇ​വി​ടെ കാ​യി​ക ചി​കി​ൽ​സാ കേ​ന്ദ്രം അ​നു​വ​ദി​ച്ചി​രി​ക്കു​ന്ന​ത്.

അ​ഞ്ചു നി​ല​യു​ള്ള കെ​ട്ടി​ടം നി​ർ​മി​ക്കാ​നാ​ണ് ല​ക്ഷ്യ​മി​ടു​ന്ന​ത്. നി​ല​വി​ൽ ഒ​രു നി​ല​യാ​ണ് നി​ർ​മാ​ണം പൂ​ർ​ത്തി​യാ​യി​രി​ക്കു​ന്ന​ത്. പൂ​ർ​ത്തി​യാ​യ കെ​ട്ടി​ട​ത്തി​ൽ മൂ​ന്ന് ഒ​പി മു​റി​ക​ൾ, ഫാ​ർ​മ​സി, രോ​ഗി​ക​ൾ​ക്കു​ള്ള വി​ശ്ര​മ​മു​റി, ടോ​യ്‌ല​റ്റു​ക​ൾ എ​ന്നി​വ​യ്ക്കു​ള്ള സൗ​ക​ര്യ​ങ്ങ​ളാ​ണു​ള്ള​ത്.

ദേ​ശീ​യ ആ​യു​ഷ്മി​ഷ​നി​ൽനി​ന്നു​ള്ള ഫ​ണ്ട് ല​ഭി​ക്കു​ന്ന മു​റ​യ്ക്ക് മു​ക​ൾ നി​ല​ക​ളു​ടെ നി​ർ​മാ​ണം പൂ​ർ​ത്തി​യാ​ക്കാ​നാ​ണ് ല​ക്ഷ്യ​മി​ടു​ന്ന​ത്. മു​ക​ൾ നി​ല​ക​ളി​ൽ കി​ട​ത്തി ചി​കി​ൽ​സ​യ്ക്കു​ള്ള മു​റി​ക​ൾ, ആ​ധു​നി​ക ചി​കി​ൽ​സാ സൗ​ക​ര്യ​ങ്ങ​ൾ, ഓ​പ്പ​ണ്‍ ജിം ​എ​ന്നി​വ​യും ആ​രം​ഭി​ക്കും.

സ്പോ​ർ​ട്സ് ആ​യു​ർ​വേ​ദി​ക് സെ​ൽ ക​ണ്‍​വീ​ന​ർ ഡോ.​ ആ​ർ. ​വി​നീ​ത്, കോ-​ഓ​ർ​ഡി​നേ​റ്റ​ർ ഡോ.​ അ​നു​പ്രി​യ പി. മ​ണി എ​ന്നി​വ​രാ​ണ് കാ​യി​ക ചി​കിത്സാവി​ഭാ​ഗ​ത്തി​ന് നേ​തൃ​ത്വം ന​ൽ​കു​ന്ന​ത്. സെ​ൽ പൂ​ർ​ണ സ​ജ്ജ​മാ​കു​ന്ന​തോ​ടെ കൂ​ടു​ത​ൽ ഡോ​ക്ട​ർ​മാ​രു​ടെ​യും ജീ​വ​ന​ക്കാ​രു​ടെ​യും സേ​വ​നം ആ​വ​ശ്യ​മാ​യി വ​രും.

Copyright @ 2022 , Rashtra Deepika Ltd.