പ്രധാനമന്ത്രിക്കെതിരെ പോലീസിൽ പരാതി നൽകി സിപിഎം
Monday, April 22, 2024 9:57 PM IST
ന്യൂഡൽഹി: പ്രധാനമന്ത്രി നരേന്ദ്ര മോദിക്കെതിരെ പോലീസില് പരാതി നൽകി സിപിഎം. പിബി അംഗം ബൃന്ദ കാരാട്ട്, ഡൽഹി സ്റ്റേറ്റ് സെക്രട്ടറിയേറ്റ് അംഗം പുഷ്പീന്ദർ സിംഗ് ഗ്രെവാള് എന്നിവരാണ് പരാതിക്കാർ.
അതേസമയം പോലീസ് സ്റ്റേഷനിൽ പരാതി സ്വീകരിച്ചില്ല. തുടര്ന്ന് പരാതി ഡൽഹി പോലീസ് കമ്മീഷണര്ക്ക് അയച്ചുകൊടുത്തു. പ്രധാനമന്ത്രി നരേന്ദ്ര മോദി സമുദായങ്ങള്ക്ക് ഇടയില് ശത്രുത വളർത്തുന്ന പരാമർശം നടത്തി, ദേശീയോദ്ഗ്രഥനത്തിന് വിഘാതമാകുന്ന പ്രസ്താവന നടത്തി എന്നുമാണ് പരാതിയിൽ ആരോപിച്ചിരിക്കുന്നത്.
രാജസ്ഥാനിൽ നരേന്ദ്ര മോദി നടത്തിയ പ്രസ്താവനയുമായി ബന്ധപ്പെട്ടാണ് പരാതി.