അഭിലാഷിന് പാർട്ടിയുമായി ബന്ധമില്ല; നേരത്തെ പുറത്താക്കിയതാണെന്ന് എം.വി. ഗോവിന്ദൻ
Friday, February 23, 2024 1:57 PM IST
കോഴിക്കോട്: കോഴിക്കോട് കൊയിലാണ്ടിയിൽ സിപിഎം ലോക്കൽ സെക്രട്ടറി പി.വി. സത്യനാഥന്റെ കൊലപാതകത്തിലെ പ്രതി അഭിലാഷിന് പാർട്ടിയുമായി ബന്ധമില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. കൊലപാതകത്തിൽ സമഗ്ര അന്വേഷണം വേണമെന്നും ഇതിന് പിന്നില് പ്രവര്ത്തിച്ച മുഴുവന് ശക്തികളെയും പുറത്ത് കൊണ്ടുവരാന് കഴിയണമെന്നും അദ്ദേഹം കൂട്ടിച്ചേർത്തു.
പ്രതി അഭിലാഷ് പാര്ട്ടിയംഗമായിരുന്നു. പാര്ട്ടിക്ക് ഉള്ക്കൊള്ളാന് കഴിയാത്ത തെറ്റായ പ്രവര്ത്തനങ്ങള്ക്ക് വിധേയനായപ്പോള് പാര്ട്ടി ഇയാളെ പുറത്താക്കിയതാണ്. പിന്നീട് ഗള്ഫില് പോയി തിരിച്ചുവന്ന ശേഷവും ഇയാള് തെറ്റായ നിലപാടുകളാണ് സ്വീകരിച്ചതെന്നും എം.വി. ഗോവിന്ദൻ പറഞ്ഞു.
നിലവില് അഭിലാഷിന് പാര്ട്ടിയുമായി യാതൊരു ബന്ധവുമില്ല. വ്യക്തിപരമായി ഇവര് തമ്മില് പ്രശ്നങ്ങള് ഉണ്ടായിരുന്നതായാണ് പോലീസ് പറയുന്നത്. സത്യനാഥനെതിരെ വലിയ പക ഇയാള് മനസില് കൊണ്ടുനടന്നിരുന്നുവെന്നാണ് അന്വേഷണത്തില് വ്യക്തമായതെന്നും അദ്ദേഹം പറഞ്ഞു.
സത്യനാഥന്റെ മൃതദേഹം പോസ്റ്റ് മോര്ട്ടത്തിന് ശേഷം മൂന്നോടെ കൊയിലാണ്ടിയില് പൊതുദര്ശനത്തിന് വെയ്ക്കും. തുടര്ന്ന് വീട്ടില് സംസ്കാരം നടത്തുമെന്നും എം.വി. ഗോവിന്ദന് പറഞ്ഞു.