കേരള സര്വകലാശാല സെനറ്റ് വിവാദം; വിസിയുടെ റിപ്പോര്ട്ട് തള്ളി മന്ത്രി ബിന്ദു
Friday, February 23, 2024 12:45 PM IST
തിരുവനന്തപുരം: കേരള സര്വകലാശാല വിസി ഗവര്ണര്ക്ക് നല്കിയ റിപ്പോര്ട്ട് തള്ളി ഉന്നതവിദ്യാഭ്യാസമന്ത്രി ആര്.ബിന്ദു. സെനറ്റില് നടന്ന കാര്യങ്ങള്ക്ക് വിരുദ്ധമായ റിപ്പോര്ട്ടാണ് വിസി രാജ്ഭവന് നല്കിയതെന്ന് മന്ത്രി പ്രതികരിച്ചു.
സത്യസന്ധമായി കാര്യങ്ങള് പറയാനാണ് വിസി ശ്രമിക്കേണ്ടത്. വിസിക്ക് സംരക്ഷണം ഒരുക്കുന്നത് രാജ്ഭവന് ആണെന്നും മന്ത്രി വിമര്ശിച്ചു. കഴിഞ്ഞ ദിവസമാണ് മന്ത്രി ബിന്ദുവിനെതിരായ റിപ്പോര്ട്ട് കേരള സര്വകലാശാല വിസി ഡോ. മോഹനന് കുന്നുമ്മല് ഗവര്ണര് ആരിഫ് മുഹമ്മദ് ഖാന് കൈമാറിയത്.
ഗവര്ണറുടെ നിര്ദേശം വകവെക്കാതെ സെനറ്റ് യോഗത്തിന്റെ അധ്യക്ഷസ്ഥാനം മന്ത്രി കൈയടക്കി എന്നും അജണ്ടയിലില്ലാത്ത പ്രമേയം പാസാക്കാന് കൂട്ടുനിന്നുവെന്നും റിപ്പോര്ട്ടില് പരാമര്ശിച്ചിരുന്നു.
വിസി നിയമന സെര്ച്ച് കമ്മറ്റിയിലേക്ക് നോമിനിയെ നല്കുക എന്നതായിരുന്നു ഫെബ്രുവരി 14ന് ചേര്ന്ന സെനറ്റ് യോഗത്തിന്റെ ഒരേ ഒരു അജണ്ട. എന്നാല് അജണ്ടയില് ഇല്ലാത്ത പ്രമേയം പാസാക്കാന് മന്ത്രി ഒത്താശചെയ്തു.
സെനറ്റ് യോഗം ചേര്ന്നതു തന്നെ തെറ്റാണെന്ന് പറയുന്ന പ്രമേയമാണ് ഇടത് അംഗങ്ങള് കൊണ്ടുവന്നതും പാസാക്കിയതും. ഇതിന് മന്ത്രി ഇടത് അംഗങ്ങള്ക്ക് ഒപ്പം നിന്ന് പ്രവര്ത്തിച്ചെന്നും റിപ്പോര്ട്ടില് വിമര്ശിച്ചിരുന്നു.