രോഗബാധിതയായ അമ്മ മരിച്ചു; മനോവിഷമത്തില് മകന് ജീവനൊടുക്കി
Monday, July 29, 2024 10:42 AM IST
പാലക്കാട്: കോട്ടായിയില് അമ്മയും മകനും മരിച്ച നിലയില്. കോട്ടായി സ്വദേശി ചിന്ന, മകന് ഗുരുവായൂരപ്പന് എന്നിവരാണ് മരിച്ചത്.
രോഗബാധിതയായ അമ്മ മരിച്ചതറിഞ്ഞതിന്റെ മനോവിഷമത്തില് മകന് ജീവനൊടുക്കിയതാണെന്നാണ് നിഗമനം.
പുലര്ച്ചെ ആറോടെയാണ് വീടിന് സമീപമുള്ള പറമ്പില് ഗുരുവായൂരപ്പനെ തൂങ്ങി മരിച്ച നിലയിൽ നാട്ടുകാര് കണ്ടെത്തിയത്. പിന്നീട് വീട്ടിലെത്തി നോക്കിയപ്പോള് ചിന്നയെ കിടക്കയില് മരിച്ച നിലയിലും കണ്ടെത്തി.
ഒരാഴ്ചയായി ചിന്ന പനി ബാധിച്ച് ചികിത്സയിലായിരുന്നു. ഇവരുടെ മരണത്തില് അസ്വാഭാവികതയൊന്നും കണ്ടെത്തിയിട്ടില്ലെന്ന് പോലീസ് പറയുന്നു.