വാഹനാപകടത്തിൽ രണ്ടു യുവാക്കൾക്ക് ദാരുണാന്ത്യം
Sunday, July 28, 2024 11:08 PM IST
ആലപ്പുഴ: വാഹനാപകടത്തിൽ രണ്ടു യുവാക്കൾ മരിച്ചു. കലവൂർ പ്രീതികുളങ്ങര ഭാഗത്തുണ്ടായ അപകടത്തിൽ ആര്യാട് ബ്ലോക്ക് പഞ്ചായത്തംഗം രജീഷ്, അനന്തു എന്നിവരാണ് മരിച്ചത്.
അപകട സമയത്ത് കാറിൽ അഞ്ചു പേരാണ് ഉണ്ടായിരുന്നത്. നിയന്ത്രണം വിട്ട കാർ റോഡരികിലുള്ള തെങ്ങിലേക്ക് ഇടിച്ചു കയറുകയായിരുന്നു. പരിക്കേറ്റവരെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്.
കാർ വെട്ടിപ്പൊളിച്ചാണ് ഇവരെ പുറത്തെടുത്തതെന്ന് ദൃക്സാക്ഷികൾ പറഞ്ഞു. പോലീസും ഫയർഫോഴ്സും സ്ഥലത്ത് എത്തി മേൽ നടപടികൾ സ്വീകരിച്ചു.