ഗംഗയിൽ ഒഴുക്കിൽപ്പെട്ട യുവാവിനെ സാഹസികമായി രക്ഷിച്ച് എസ്ഡിആർഎഫ്
Saturday, July 27, 2024 4:47 PM IST
ഡെറാഡൂൺ: ഹരിദ്വാറിലെ ഗംഗയിൽ കുളിക്കുന്നതിനിടെ ഒഴുക്കിൽപ്പെട്ടയാളെ രക്ഷിച്ച് ഉത്തരാഖണ്ഡ് എസ്ഡിആർഎഫ് സംഘം. ഒഴുക്കിൽപ്പെട്ട ഡൽഹി സ്വദേശിയെ രണ്ട് ഉദ്യോഗസ്ഥർ ചേർന്ന് രക്ഷിക്കുന്നതിന്റെ വീഡിയോ പുറത്തുവന്നിട്ടുണ്ട്.
ഹരിദ്വാറിലെ കാൻഗ്ര ഘട്ടിൽ കുളിക്കാനിറങ്ങിയപ്പോഴാണ് ഇയാൾ അപകടത്തിൽപ്പെട്ടത്. അതിസാഹസികമായാണ് ഇവർ രക്ഷാപ്രവർത്തനം നടത്തിയത്. ഉദ്യോഗസ്ഥർക്ക് സമൂഹമാധ്യമങ്ങളിൽ അഭിനന്ദന പ്രവാഹമാണ്.