എംഡിഎംഎയുമായി യുവാവ് പിടിയിൽ
Saturday, July 27, 2024 7:50 AM IST
തിരുവനന്തപുരം: കൊച്ചുവേളി റെയിൽവേ സ്റ്റേഷൻ സമീപം എംഡിഎംഎയും കൊകൈനുമായി യുവാവ് പിടിയിൽ. വേളി മാധവപുരം സ്വദേശി വിഷ്ണുവാണ് (24) പിടിയിലായത്. 104 ഗ്രാം എംഡിഎംഎയും രണ്ട് ഗ്രാം കൊക്കൈനും ഇയാളുടെ പക്കൽനിന്ന് പിടിച്ചെടുത്തു. ഡാൻസാഫ് ടീം നടത്തിയ പരിശോധനയിലാണ് പ്രതിയെ പിടികൂടിയത്.
ബംഗളൂരുവിൽനിന്ന് ലഹരി വസ്തുക്കളുമായി കച്ചവടത്തിനായി എത്തിയതായിരുന്നു ഇയാൾ. വസ്ത്രത്തിനുള്ളിൽ ഒളിപ്പിച്ച നിലയിലായിരുന്നു ഇയാളുടെ പക്കൽ ലഹരി വസ്തുക്കൾ ഉണ്ടായിരുന്നത്.
നേരത്തെയും എംഡിഎംഎ ഉൾപ്പടെയുള്ള ലഹരി വസ്തുക്കൾ കച്ചവടം നടത്തിയതിന് ഇയാൾ അറസ്റ്റിലായിട്ടുണ്ട്. ജാമ്യത്തിൽ കഴിയുന്നതിനിടെയാണ് ലഹരി വസ്തുക്കളുമായി വീണ്ടും പിടിയിലാവുന്നത്.