വന്ദേ ഭാരത് സ്പെഷ്യൽ ട്രെയിൻ 31ന് സർവീസ് തുടങ്ങും
Friday, July 26, 2024 9:10 PM IST
തിരുവനന്തപുരം: കൊച്ചി - ബംഗളൂരു റൂട്ടിലേക്കുള്ള വന്ദേ ഭാരത് സ്പെഷ്യൽ ട്രെയിൻ 31 സർവീസ് തുടങ്ങും. ബുധൻ, വെള്ളി, ഞായർ ദിവസങ്ങളിലാണ് സർവീസ്.
ഉച്ചയ്ക്ക് 12.50ന് പുറപ്പെട്ട് രാത്രി പത്തോടെ ബംഗളൂരുവിൽ എത്തിച്ചേരുന്ന രീതിയിലാണ് സർവീസ് ക്രമീകരിച്ചിരിക്കുന്നത്. എറണാകുളം, തൃശൂർ, പാലക്കാട്, പൊത്തന്നൂർ, തിരുപ്പൂർ, ഈറോഡ്, സേലം, ബംഗളൂരു എന്നിവിടങ്ങളാണ് സ്റ്റോപ്പുകൾ.
സംസ്ഥാനത്ത് മൂന്നാമത്തെ വന്ദേഭാരത് ട്രെയിനാണ് ഓടിത്തുടങ്ങുന്നത്. അതേസമയം ഈ ട്രെയിൻ സ്ഥിരപ്പെടുത്തുമോ എന്ന കാര്യത്തിൽ വ്യക്തതയായിട്ടില്ല.