മാനനഷ്ടക്കേസ്: രാഹുൽ ഗാന്ധി ഇന്ന് കോടതിയിൽ ഹാജരാകും
Friday, July 26, 2024 12:33 PM IST
ലക്നോ: കേന്ദ്ര ആഭ്യന്തര മന്ത്രി അമിത് ഷായ്ക്കെതിരേ ആക്ഷേപകരമായ പരാമർശം നടത്തിയെന്നാരോപിച്ച് നൽകിയ മാനനഷ്ടക്കേസിൽ രാഹുൽ ഗാന്ധി ഇന്ന് യുപിയിലെ സുൽത്താൻപുർ കോടതിയിൽ ഇന്ന് ഹാജരാകും.
കോടതിയിൽ ഹാജരാകാൻ രാഹുല് ലക്നോയിലെത്തിയിട്ടുണ്ട്. ഇതിനകം 12 തവണ ഹിയറിംഗുകൾ നഷ്ടപ്പെടുത്തിയതിനാൽ മൊഴിയെടുക്കുന്നതിൽ പരാജയപ്പെട്ടാൽ കർശന നടപടിയുണ്ടാകുമെന്ന് കോടതി രാഹുലിനെ അറിയിച്ചിരുന്നു.
2018ൽ ബംഗളൂരുവിൽ നടത്തിയ വാർത്താ സമ്മേളനത്തിനിടെ അമിത് ഷായെ കൊലക്കേസ് പ്രതി എന്ന് വിളിച്ചുവെന്ന് ചൂണ്ടിക്കാട്ടി ബിജെപി പ്രാദേശിക നേതാവ് വിജയ് മിശ്രയാണ് രാഹുലിനെതിരേ മാനനഷ്ടക്കേസ് ഫയല് ചെയ്തത്.