മുംബൈയിൽ കനത്ത മഴ തുടരുന്നു; ജാഗ്രതാ നിർദേശം പുറപ്പെടുവിച്ചു
Friday, July 26, 2024 4:56 AM IST
മുംബൈ: കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചതിനെ തുടർന്ന് മുംബൈയിൽ ജാഗ്രതാ നിർദേശം പുറപ്പെടുവിച്ചു.
ജാഗ്രതാ നിർദേശത്തിന്റെ ഭാഗമായി തീരദേശത്ത് താമസിക്കുന്നവരോട് ഇന്ന് രാവിലെ 8.30 വരെ വീടിനുള്ളിൽ കഴിയാൻ പോലീസ് ആവശ്യപ്പെട്ടു. കാലാവസ്ഥാ നിരീക്ഷണ കേന്ദ്രം ഇന്ന് മുംബൈയിൽ റെഡ് അലർട്ട് പ്രഖ്യാപിച്ചിരിക്കുകയാണ്.
മഴയെ തുടർന്ന് പലപ്രദേശങ്ങളിലും വെള്ളക്കെട്ട് രൂപപ്പെട്ടതിനാൽ റോഡ്,റെയിൽ ഗതാഗതം താറുമാറായിരിക്കുകയാണ്.