സ്കൂൾ വാഹനമിടിച്ച് യുകെജി വിദ്യാർഥിനി മരിച്ച സംഭവം; ഡ്രൈവർ കസ്റ്റഡിയിൽ
Thursday, July 25, 2024 10:09 PM IST
പാലക്കാട്: മണ്ണാർക്കാട്ട് സ്കൂൾ വാഹനം ഇടിച്ച് യുകെജി വിദ്യാർഥിനി മരിച്ച സംഭവത്തിൽ സ്കൂൾ ബസിന്റെ ഡ്രൈവർ പിടിയിൽ. തെങ്കര സ്വദേശി അലി അക്ബറിനെയാണ് മണ്ണാർക്കാട് പോലീസ് കസ്റ്റഡിയിലെടുത്തത്.
നെല്ലിപ്പുഴ ഡിഎച്ച്എസ് ഇംഗ്ലീഷ് മീഡിയം സ്കൂൾ വിദ്യാർഥിനി ഹിബയാണ് മരിച്ചത്. സ്കൂളിൽ നിന്നും വന്നിറങ്ങിയ അതേ ബസ് കുട്ടിയെ ഇടിക്കുകയായിരുന്നു. വാഹനത്തിന് മുന്നിലൂടെ കുട്ടി നടന്ന് പോകുന്നതിനിടെയായിരുന്നു അപകടം.