അപകടത്തെ തുടർന്ന് റോഡിൽ വീണ യുവാവിന്റെ ശരീരത്തിൽ ഫയര്ഫോഴ്സ് വാഹനം കയറി; ദാരുണാന്ത്യം
Thursday, July 25, 2024 9:05 PM IST
കണ്ണൂർ: വാഹനാപകടത്തെ തുടർന്ന് റോഡിൽ വീണ യുവാവിന്റെ ശരീത്തിലൂടെ ഫയർഫോഴ്സ് വാഹനം കയറിയിറങ്ങി. മട്ടന്നൂർ കൊതേരിയിലാണ് സംഭവം. അപകടത്തിൽ എളമ്പാറ സ്വദേശി അനുരാഗാണ് മരിച്ചത്.
അനുരാഗ് സഞ്ചരിച്ച ഇരുചക്ര വാഹനം കാറുമായി കൂട്ടിയിടിച്ചാണ് അപകടമുണ്ടായത്. തുടർന്ന് റോഡിൽ വീണ അനുരാഗിന്റെ ശരീരത്തിലൂടെ പിന്നാലെയെത്തിയ ഫയർഫോഴ്സ് വാഹനം കയറി.
ഉടൻതന്നെ ആശുപത്രിയിലെത്തിച്ചുവെങ്കിലും ജീവൻരക്ഷിക്കാനായില്ല. മൃതദേഹം ആശുപത്രിയിലേക്കു മാറ്റി.