പെരുമ്പാവൂരിൽ വാഹനാപകടം; രണ്ടുപേർ മരിച്ചു
Thursday, July 25, 2024 4:24 PM IST
കൊച്ചി: പെരുമ്പാവൂരിൽ വാഹനാപകടത്തിൽ രണ്ട് പേർ മരിച്ചു. ബൈക്ക് യാത്രക്കാരായ എറണാകുളം കലൂർ സ്വദേശി മുഹമ്മദ് ഇജാസ് (21) ചങ്ങനാശേരി സ്വദേശിനി ഫിയോണ ജോസ് (19) എന്നിവരാണ് മരിച്ചത്.
ഇന്ന് ഉച്ചകഴിഞ്ഞ് 2.15നാണ് അപകടമുണ്ടായത്. ഇവർ സഞ്ചരിച്ച ബൈക്ക് എതിരെ വന്ന ലോറിയിൽ ഇടിച്ചുകയറുകയായിരുന്നു. മുഹമ്മദ് ഇജാസ് സംഭവസ്ഥലത്തും ഫിയോണ ആശുപത്രിയിൽ വച്ചുമാണ് മരിച്ചത്.