കക്കൂസ് മാലിന്യം ഓടയിലേക്ക് ഒഴുക്കി; പോത്തീസ് സ്വർണമഹൽ പൂട്ടിച്ചു
Sunday, July 21, 2024 1:55 PM IST
തിരുവനന്തപുരം: ആമയിഴഞ്ചൻ തോട്ടിലേക്ക് കക്കൂസ് മാലിന്യം ഒഴുക്കിവിട്ട സ്വർണക്കട പോത്തീസ് സ്വർണമഹൽ പൂട്ടിച്ചു. തമ്പാനൂരിൽ പ്രവർത്തിക്കുന്ന സ്ഥാപനം തിരുവനന്തപുരം കോർപ്പറേഷന്റെ ഇടപെടലിനെ തുടർന്നാണ് പൂട്ടിച്ചത്.
ലൈസൻസില്ലാതെയാണ് സ്ഥാപനം പ്രവർത്തിച്ചതെന്നും കണ്ടത്തി. പോലീസും നഗരസഭയുടെ ആരോഗ്യവിഭാഗം ഉദ്യോഗസ്ഥരും സ്ഥാപനത്തിലെത്തിയാണ് പൂട്ടിച്ചത്.
പോത്തീസ് സ്വർണമഹലിലെ കക്കൂസ് മാലിന്യം ഓടയിലേക്ക് ഒഴുക്കുന്നതിന്റെ വീഡിയോ ദൃശ്യങ്ങൾ നഗരസഭയ്ക്ക് ശനിയാഴ്ച ലഭിച്ചിരുന്നു. തുടർന്ന് നടത്തിയ പരിശോധനയിൽ ഇത് ശരിയെന്നും തെളിഞ്ഞു.
കോർപ്പറേഷന്റെ പരാതിയിൽ പോലീസ് കേസെടുത്തിരുന്നു. തുടർന്നാണ് സ്ഥാപനം പൂട്ടിച്ചത്.