അർജുനായുള്ള തിരച്ചിൽ താത്ക്കാലികമായി നിർത്തി
Saturday, July 20, 2024 8:57 PM IST
ബംഗുളൂരു: ഷിരൂരിലെ മണ്ണിടിച്ചിലിൽ മണ്ണിനടിയിലായ അർജുനായുള്ള തിരച്ചിൽ താത്ക്കാലികമായി നിർത്തി. ഞായറാഴ്ച രാവിലെ 6.30ന് തിരച്ചിൽ പുനഃരാരംഭിക്കും.
അതേസമയം, രണ്ടാംഘട്ട റഡാർ പരിശോധനയിൽ ഒരു സിഗ്നൽകൂടി ലഭിച്ചു. ആകെ നാല് സിഗ്നലുകളാണ് ലഭിച്ചത്. ജിപിഎസ് പോയിന്റിനു മുകളിലാണ് സിഗ്നൽ.
ആദ്യഘട്ട പരിശോധനയിൽ മൂന്നു സിഗ്നലുകൾ ലഭിച്ചിരുന്നു. മംഗളൂരുവിൽ നിന്ന് എത്തിച്ച അത്യാധുനിക റഡാർ ഉപയോഗിച്ച് നടത്തിയ പരിശോധനയിൽ ഇതുവരെ മണ്ണിനടിയിൽ നിന്നും ഒന്നും കണ്ടെത്താൻ സാധിച്ചിട്ടില്ലെന്നാണ് സൂചന. സൂറത്കൽ എൻഐടി സംഘമാണ് പരിശോധന നത്തുന്നത്.