വയനാട്ടിൽ വൈദ്യുതി കമ്പി പൊട്ടിവീണു യുവാവ് മരിച്ച സംഭവം: 10 ലക്ഷം രൂപ ധനസഹായം നല്കും
Wednesday, July 17, 2024 11:51 AM IST
പാലക്കാട്: വയനാട് പുൽപ്പള്ളിയിൽ പൊട്ടിവീണ വൈദ്യുതി കമ്പിയിൽ നിന്നു ഷോക്കേറ്റു മരിച്ച യുവാവിന്റെ കുടുംബത്തിന് പത്ത് ലക്ഷം രൂപ ധനസഹായം നൽകാൻ തീരുമാനിച്ചെന്ന് മന്ത്രി കെ. കൃഷ്ണൻകുട്ടി. ആദ്യഗഡുവായി അഞ്ച് ലക്ഷം ഉടൻ നൽകും. രേഖകൾ ഹാജരാക്കിയാൽ രണ്ടാം ഗഡുവും കൈമാറുമെന്നും മന്ത്രി അറിയിച്ചു.
പുൽപ്പള്ളി ചീയമ്പം 73 കോളനിയിലെ സുധൻ (32) ആണ് ചൊവ്വാഴ്ച ഷോക്കേറ്റു മരിച്ചത്. നിർമാണത്തൊഴിലാളിയായ സുധൻ വീട്ടിൽ നിന്ന് വയൽ വഴി നടന്നുവരുന്നതിനിടെ പൊട്ടിവീണ വൈദ്യുതി കമ്പിയിൽ നിന്ന് ഷോക്കേൽക്കുകയായിരുന്നു.