കാട്ടാന ആക്രമണത്തില് പരിക്കേറ്റയാള് മരിച്ചു
Tuesday, July 16, 2024 6:05 PM IST
കൽപ്പറ്റ: കാട്ടാന ആക്രമണത്തിൽ ഗുരുതരമായി പരിക്കേറ്റ് ചികിത്സയിലിരുന്നയാൾ മരിച്ചു. വയനാട് സുല്ത്താന്ബത്തേരി കല്ലൂര് കല്ലുമുക്കിലുണ്ടായ കാട്ടാന ആക്രമണത്തില് പരിക്കേറ്റ കല്ലൂര് മാറോട് സ്വദേശി രാജു(52) ആണ് മരിച്ചത്.
ഞായറാഴ്ച രാത്രി 8.45ന് കൃഷിയിടത്തില്നിന്ന് വീട്ടിലേക്ക് നടന്നുപോകുമ്പോഴായിരുന്നു രാജുവിനുനേരെ കാട്ടാനയുടെ ആക്രമണമുണ്ടാകുന്നത്. തുടർന്ന് കോഴിക്കോട്ടെ സ്വകാര്യആശുപത്രിയിൽ ചികിത്സയിൽ കഴിയവെ ചൊവ്വാഴ്ച മരണം സംഭവിക്കുകയായിരുന്നു.
പ്രദേശത്ത് വന്യമൃഗശല്യം രൂക്ഷമാണെന്നും ഉടന് പരിഹാരം കാണണമെന്ന് ആവശ്യപ്പെട്ട് നാട്ടുകാര് രംഗത്തെത്തി.