സീതാര്ക്കുണ്ട് വെള്ളച്ചാട്ടത്തിൽ കുടുങ്ങിയവരെ രക്ഷപ്പെടുത്തി
Tuesday, July 16, 2024 5:25 PM IST
പാലക്കാട്: കൊല്ലങ്കോട് സീതാർകുണ്ട് വെള്ളച്ചാട്ടത്തിൽ കുടുങ്ങിയ രണ്ടുപേരെ ഫയർഫോഴ്സ് സാഹസികമായി രക്ഷപ്പെടുത്തി. മുന്നറിയിപ്പ് അവഗണിച്ച് വെള്ളച്ചാട്ടം കാണാനെത്തിയവരാണ് കുടുങ്ങിയത്.
തുടർന്ന് ഫയർഫോഴ്സ് സംഘം സ്ഥലത്തെത്തിയാണ് രക്ഷാപ്രവർത്തനം നടത്തിയത്. ആറുപേരടങ്ങിയ സംഘമാണ് വെള്ളച്ചാട്ടം കാണാൻ സ്ഥലത്ത് എത്തിയത്. വാച്ചർമാരുടെ കണ്ണുവെട്ടിച്ചാണ് ഇവർ വെള്ളച്ചാട്ടത്തിൽ പോയതെന്ന് വനംവകുപ്പ് അധികൃതർ പറഞ്ഞു.
വെള്ളച്ചാട്ടത്തിനു സമീപത്തെ വള്ളിയിൽ പിടിച്ചു നിന്ന ഇരുവരുടെയും ആരോഗ്യനില തൃപ്തികരമാണെന്ന് അധികൃതർ പറഞ്ഞു.