മഹാരാഷ്ട്രയില് ബസ് ട്രാക്ടറുമായി കൂട്ടിയിടിച്ച് അപകടം; നാലുപേര് മരിച്ചു
Tuesday, July 16, 2024 10:38 AM IST
മുംബൈ: മുംബൈ-പൂനെ എക്സ്പ്രസ്വേയില് ബസും ട്രാക്ടറും കൂട്ടിയിടിച്ചുണ്ടായ അപകടത്തില് നാലുപേര് മരിച്ചു. 30 ല് അധികം പേര്ക്ക് പരിക്കേറ്റു. അഡ്നെ ഗ്രാമത്തിന് സമീപമാണ് അപകടം.
ഡോംബിവ്ലിയില് നിന്ന് ആഷാധി ഏകാദശി ആഘോഷങ്ങള്ക്കായി പണ്ഡര്പൂരിലേക്ക് പോകുകയായിരുന്ന തീര്ഥാടകരാണ് അപകടത്തില്പ്പെട്ടത്. അര്ദ്ധരാത്രിയോടെ ബസ് ട്രാക്ടറുമായി കൂട്ടിയിടിച്ച് തോട്ടിലേക്ക് വീഴുകയായിരുന്നു.
42 പേരാണ് ബസിലുണ്ടായിരുന്നത്. പരിക്കേറ്റവരെ അടുത്തുള്ള ആശുപത്രിയില് പ്രവേശിപ്പിച്ചു. ഇതില് മൂന്ന് പേരുടെ നില ഗുരുതരമാണ്.