വിഴിഞ്ഞത്തെ ട്രയല്റണ്ണിന്റെ കാര്യം അറിയിച്ചതിന് മാധ്യമങ്ങള്ക്ക് നന്ദി; പരിഹസിച്ച് ഗവര്ണര്
Friday, July 12, 2024 2:39 PM IST
തിരുവനന്തപുരം: വിഴിഞ്ഞം തുറമുഖം ട്രയല്റണ് ഉദ്ഘാടനം അറിഞ്ഞത് മാധ്യമങ്ങളിലൂടെയെന്ന് ഗവര്ണര് ആരിഫ് മുഹമ്മദ് ഖാന്. വിവരം അറിയിച്ചതിന് മാധ്യമങ്ങള്ക്ക് നന്ദിയെന്നും ഗവര്ണര് പ്രതികരിച്ചു.
ചടങ്ങിലേക്ക് പ്രതിപക്ഷത്തെ നേതാക്കള്ക്ക് ക്ഷണമില്ലാത്തതിനേക്കുറിച്ചുള്ള മാധ്യമപ്രവര്ത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. നിങ്ങള് പറയുന്ന കാര്യത്തേക്കുറിച്ച് എനിക്കറിയില്ല.
സംസ്ഥാന സര്ക്കാര് അത്തരമൊരു പരിപാടി സംഘടിപ്പിക്കുന്നുണ്ടോ. എങ്കിൽ വിവരം അറിയിച്ചതിന് നന്ദിയെന്നും അദ്ദേഹം മാധ്യമപ്രവര്ത്തകരോട് പറഞ്ഞു.
അതേസമയം വിഴിഞ്ഞം തുറമുഖത്തെത്തിയ ആദ്യ മദർഷിപ്പ് സാൻ ഫെർണാണ്ടോയെ മുഖ്യമന്ത്രി പിണറായി വിജയനും കേന്ദ്രമന്ത്രി സർബാനന്ദ സോനോവാളും ചേർന്ന് സ്വീകരിച്ചു. കപ്പലിന്റെ ട്രയൽറൺ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. കപ്പൽ വ്യാഴാഴ്ച എത്തിയെങ്കിലും ഇന്നായിരുന്നു ഔദ്യോഗിക സ്വീകരണ ചടങ്ങ്.