നാസിക്കിൽ ബസ് ഇടിച്ച് അഞ്ച് വയസുകാരിക്ക് ദാരുണാന്ത്യം
Thursday, July 11, 2024 12:08 AM IST
മുംബൈ: മഹാരാഷ്ട്രയിൽ ബസ് ഇടിച്ച് അഞ്ച് വയസുകാരി മരിച്ചു. നാസിക്കിലാണ് സംഭവം. അപകടത്തിൽ കുട്ടിയുടെ കൂടെയുണ്ടായിരുന്ന മുത്തച്ഛന് പരിക്കേറ്റു.
നാസിക് റോഡ് ഏരിയയിൽ താമസിക്കുന്ന ഒന്നാം ക്ലാസ് വിദ്യാർഥിനിയായ സാൻവി സാഗർ ഗവായ് ആണ് മരിച്ചത്. സംഭവസ്ഥലത്തു വച്ചു തന്നെ മരണംസംഭവിച്ചിരുന്നു. അപകടത്തിന് പിന്നാലെ ബസ് ഡ്രൈവർ സ്ഥലത്ത് നിന്നും ഓടി രക്ഷപെട്ടു.
അപകടം നടക്കുമ്പോൾ മദ്യലഹരിയിലായിരുന്ന ബസ് ഡ്രൈവറെ ഉടൻ അറസ്റ്റ് ചെയ്യണമെന്ന് ആവശ്യപ്പെട്ട് നാട്ടുകാരും തൊഴിലാളികളും പ്രതിഷേധവുമായി രംഗത്തെത്തി.