മുൻ രാജ്യസഭാ അധ്യക്ഷനെ അവഹേളിച്ചു; മോദിക്കെതിരെ കോൺഗ്രസിന്റെ അവകാശലംഘന നോട്ടീസ്
Wednesday, July 10, 2024 4:55 PM IST
ന്യൂഡൽഹി: മുൻ രാജ്യസഭാ അധ്യക്ഷൻ ഹമീദ് അൻസാരിയെ അവഹേളിച്ചെന്ന് ആരോപിച്ച് പ്രധാനമന്ത്രി നരേന്ദ്ര മോദിക്കെതിരെ അവകാശലംഘനത്തിന് കോൺഗ്രസ് നോട്ടീസ് നൽകി.
അധ്യക്ഷനെതിരായ ആരോപണം സഭാ ചട്ടങ്ങളുടെ ലംഘനമാണെന്ന് ചൂണ്ടിക്കാട്ടിയാണ് കോൺഗ്രസിന്റെ നീക്കം. മോദിക്കെതിരെ നടപടി വേണമെന്ന് ആവശ്യപ്പെട്ട് ജയറാം രമേശാണ് നോട്ടീസ് നൽകിയത്.
2014-ൽ ബിജെപി അധികാരത്തിലിരുന്നപ്പോൾ രാജ്യസഭ അധ്യക്ഷന് പ്രതിപക്ഷത്തോടായിരുന്നു ചായ്വ് എന്നായിരുന്നു മോദിയുടെ പരാമർശം. നന്ദിപ്രമേയ ചർച്ചയ്ക്ക് മറുപടി നൽകുമ്പോഴായിരുന്നു മോദിയുടെ പരാമർശം.