കോളറ ; പ്രതിരോധ പ്രവര്ത്തനങ്ങള് ഊർജിതമാക്കണം : മന്ത്രി വീണാ ജോര്ജ്
Tuesday, July 9, 2024 9:44 PM IST
തിരുവനന്തപുരം: നെയ്യാറ്റിന്കരയിലെ സ്വകാര്യ കെയര് ഹോമില് കോളറ സ്ഥിരീകരിച്ച സംഭവത്തിൽ പ്രതിരോധ പ്രവര്ത്തനങ്ങള് ഊർജിതമാക്കാൻ മന്ത്രി വീണാ ജോര്ജ് നിര്ദേശം നല്കി. മന്ത്രിയുടെ നിര്ദേശത്തെ തുടര്ന്ന് ആരോഗ്യ വകുപ്പ് അഡീഷണല് ഡയറക്ടര് സ്ഥലം സന്ദര്ശിച്ച് സ്ഥിതിഗതികള് വിലയിരുത്തി.
രോഗത്തിന്റെ ഉറവിടം കണ്ടെത്താനായി വെള്ളം ഉള്പ്പെടെയുള്ള സാമ്പിളുകള് പരിശോധനയ്ക്ക് അയച്ചിട്ടുണ്ട്. രോഗ ലക്ഷണങ്ങള് കാണുന്നവരുടെ സാമ്പിളുകള് എത്രയും വേഗം പരിശോധനക്ക് അയക്കാൻ നിര്ദേശം നല്കി. കെയര് ഹോമിലുള്ള ചിലര് വീടുകളില് പോയതിനാല് അവരെ കണ്ടെത്തി നിരീക്ഷിക്കും.
അവര്ക്കോ കുടുംബാംഗങ്ങള്ക്കോ രോഗ ലക്ഷണങ്ങള് കണ്ടാല് സാമ്പിളുകള് പരിശോധിക്കുകയും ചികിത്സ ഉറപ്പാക്കുകയും ചെയ്യും. ശക്തമായ വയറിളക്കമോ ഛര്ദിയോ നിര്ജലീകരണ ലക്ഷണങ്ങളോ ഉണ്ടെങ്കില് അടിയന്തരമായി ചികിത്സ തേടണമെന്ന് മന്ത്രി പറഞ്ഞു.