എൻസിപി ശരദ് പവാർ വിഭാഗത്തിന് സംഭാവന വാങ്ങാൻ തെരഞ്ഞെടുപ്പ് കമ്മീഷന്റെ അനുമതി
Tuesday, July 9, 2024 7:05 AM IST
ന്യൂഡൽഹി: എൻസിപി ശരദ് പവാർ വിഭാഗത്തിന് സംഭാവന വാങ്ങാൻ തെരഞ്ഞെടുപ്പ് കമ്മീഷൻ അനുമതി നൽകി. മഹാരാഷ്ട്ര നിയമസഭ തെരഞ്ഞെടുപ്പ് അടുത്ത സാഹചര്യത്തിൽ സംഭാവന സ്വീകരിക്കാൻ അനുവാദം വേണമെന്ന ആവശ്യവുമായി പാർട്ടി തെരഞ്ഞെടുപ്പ് കമ്മീഷനെ സമീപിച്ചിരുന്നു.
ഈ ആവശ്യം കമ്മീഷൻ അംഗീകരിക്കുകയായിരുന്നു. വർക്കിംഗ് പ്രസിഡന്റ് സുപ്രിയ സുലെയുടെ നേതൃത്വത്തിലാണ് പാട്ടി നേതാക്കൾ കമ്മീഷൻ ആസ്ഥാനത്ത് എത്തിയത്.
സ്വമേധയാ ജനങ്ങൾ നൽകുന്ന സംഭാവന സ്വീകരിക്കാനുള്ള അനുമതിയാണ് നല്കിയത്. ഔദ്യോഗിക എൻസിപിയായി അജിത് പവാർ പക്ഷത്തിന് അംഗീകാരം നൽകിയതോടെ സംഭാവന വാങ്ങാനുള്ള അവകാശം ശരദ് പവാർ പക്ഷത്തിന് നഷ്ടപ്പെട്ടിരുന്നു.