തെരഞ്ഞെടുപ്പ് തോല്വിയില്നിന്ന് പാഠം ഉള്ക്കൊള്ളണം: പി.ജയരാജന്
Tuesday, June 11, 2024 9:25 AM IST
കണ്ണൂര്: തെരഞ്ഞെടുപ്പ് തോല്വിയില്നിന്ന് പാഠം ഉള്ക്കൊള്ളണമെന്ന് സിപിഎം സംസ്ഥാന കമ്മിറ്റി അംഗവും ഖാദി ബോര്ഡ് വൈസ് ചെയര്മാനുമായ പി.ജയരാജന്. ചരിത്രത്തെ ശരിയായ രീതിയില് വിലയിരുത്തണം. എവിടെയെല്ലാം പോരായ്മകള് സംഭവിച്ചുവെന്ന് കൃത്യമായി പരിശോധിച്ച് മുന്നോട്ട് പോകണമെന്നും ജയരാജന് പറഞ്ഞു.
ടി.പി.വധക്കേസിലെ പ്രതിയായ പി.കെ.കുഞ്ഞനന്തന്റെ അനുസ്മരണ പരിപാടിയില് സംസാരിക്കുകയായിരുന്നു ജയരാജന്. ഇതുവരെ ഉയര്ത്തിപ്പിടിച്ച ശരിയായ നയങ്ങളിലും നിലപാടുകളിലും ശക്തമായി ഉറച്ചുനില്ക്കണം.
പോരായ്മകള് പരിശോധിച്ച് അതില് നിന്ന് പാഠം ഉള്ക്കൊണ്ട് മുന്നോട്ട് പോയാല് ഇനിയും തെരഞ്ഞെടുപ്പ് മുന്നേറ്റങ്ങള് ഉണ്ടാക്കാന് കഴിയും.തോറ്റാലും ജയിച്ചാലും ജനങ്ങള്ക്ക് ഒപ്പം നില്ക്കുക എന്നതാണ് കാര്യമെന്നും ജയരാജന് കൂട്ടിച്ചേര്ത്തു.