കത്തുന്ന മണിപ്പൂരിൽ പരിഹാരം വേണമെന്ന് മോദി സർക്കാരിനോട് ആർഎസ്എസ്
Tuesday, June 11, 2024 5:12 AM IST
നാഗ്പൂര്: ഒരു വര്ഷമായി കത്തുന്ന മണിപ്പൂരിൽ പരിഹാരം വേണമെന്ന് മോദി സർക്കാരിനോട് ആർഎസ്എസ്. പ്രതിപക്ഷത്തിന്റെ ശബ്ദം കേൾക്കണമെന്നും ആർഎസ്എസ് ആവശ്യപ്പെട്ടു.
ലോക്സഭാ തെരഞ്ഞെടുപ്പ് പ്രചാരണത്തിൽ മാന്യതയുടെ എല്ലാ അതിർവരമ്പുകളും ലംഘിക്കപ്പെട്ടു. സമൂഹത്തിൽ ഭിന്നിപ്പുണ്ടാകുന്ന രീതിയിൽ പ്രചരണം നടന്നു. തെരഞ്ഞെടുപ്പിൽ ആര്എസ്എസ് അനാവശ്യമായ ചര്ച്ചകളിലേക്ക് വലിച്ചിഴക്കപ്പെട്ടുവെന്നും മോഹൻ ഭാഗവത് പറഞ്ഞു.
പ്രതിപക്ഷത്തെ ശത്രുവായി കാണരുത്. മണിപ്പൂർ പ്രശ്ന പരിഹാരത്തിന് സർക്കാർ മുൻഗണന നൽകണം. നാഗ്പൂരിൽ നടന്ന ആർഎസ്എസ് സമ്മേളനത്തിലാണ് മോഹൻ ഭാഗവത് ഇക്കാര്യം വ്യക്തമാക്കിയത്.