കാഷ്മീരില് ബസ് മലയിടുക്കിലേക്ക് മറിഞ്ഞ് അപകടം; 15 പേര് മരിച്ചു
Thursday, May 30, 2024 3:46 PM IST
ശ്രീനഗര്: ജമ്മു കാഷ്മീരിലെ ആഖ്നൂരില് ബസ് മലയിടുക്കിലേക്ക് മറിഞ്ഞുണ്ടായ അപകടത്തില് 15 പേര് മരിച്ചു. അപകടത്തില് നിരവധി പേര്ക്ക് പരിക്കുണ്ട്.
ഇവരെ ആശുപത്രിയിലേക്ക് മാറ്റി. പലരുടെയും നില ഗുരുതരമാണെന്നാണ് വിവരം. പ്രദേശത്ത് രക്ഷാപ്രവര്ത്തനം തുടരുകയാണ്.
യുപിയിലെ ഹത്രാസില്നിന്ന് വന്ന ബസാണ് അപകടത്തില്പെട്ടത്. 150 അടി താഴ്ചയിലേക്കാണ് ബസ് മറിഞ്ഞത്. അപകടമുണ്ടായത് എങ്ങനെയെന്ന് വ്യക്തമല്ല.