കൊല്ലത്ത് ഒഴുക്കില്പ്പെട്ട് കാണാതായ ആളുടെ മൃതദേഹം കണ്ടെത്തി
Thursday, May 30, 2024 8:54 AM IST
കൊല്ലം: മുഖത്തല കണിയാംതോട്ടില് ഒഴുക്കില്പ്പെട്ട് കാണാതായ ആളുടെ മൃതദേഹം കണ്ടെത്തി. മുഖത്തല സ്വദേശി സലീം ആണ് മരിച്ചത്. കാണാതായ സ്ഥലത്തുനിന്ന് ഒരു കിലോമീറ്ററോളം അകലെ നിന്നാണ് ഇന്ന് രാവിലെ മൃതദേഹം കണ്ടെത്തിയത്.
ചൊവ്വാഴ്ച വൈകിട്ടാണ് സലീമിനെ ഒഴുക്കില്പ്പെട്ട് കാണാതായത്. കാല് വഴുതി തോട്ടിലേക്ക് വീഴുകയായിരുന്നു. ഫയര് ഫോഴ്സും പോലീസും ചേര്ന്ന് രണ്ട് ദിവസമായി തിരച്ചില് തുടരുകയായിരുന്നു.