ലൈംഗികാതിക്രമം; പോലീസ് ഉദ്യോഗസ്ഥനെ സസ്പെൻഡ് ചെയ്തു
Thursday, May 30, 2024 6:26 AM IST
തൃശൂര്: രാമവർമപുരം പോലീസ് അക്കാദമിയിൽ വനിതാ ഉദ്യോഗസ്ഥയോട് ലൈംഗികാതിക്രമം നടത്തിയെന്ന പരാതിയിൽ നടപടി. വനിതാ ഉദ്യോഗസ്ഥയുടെ പരാതിയിൽ അക്കാദമിയിലെ ഓഫീസർ കമാൻഡന്റ് പ്രേമനെ സസ്പെൻഡ് ചെയ്തത്.
ആഭ്യന്തര അന്വേഷണ സമിതി നടത്തിയ അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. പ്രേമനെതിരെയുള്ള ഉദ്യോഗസ്ഥയുടെ ലൈംഗികാതിക്രമ പരാതിയിൽ വിയ്യൂർ പോലീസ് കേസ് രജിസ്റ്റർ ചെയ്തിരുന്നു.
ഈ മാസം 18നും 22നുമാണ് ഉദ്യോഗസ്ഥനിൽ നിന്നും അതിക്രമം നേരിട്ടതെന്നാണ് പരാതിയിൽ പറയുന്നത്. സസ്പെന്ഷന് പുറമെ പ്രേമനെതിരെ വകുപ്പ് തല നടപടിയും ഉണ്ടാകും.