മണിമലയാറ്റിൽ കാണാതായ യുവാവിനായി തെരച്ചിൽ ഊർജിതം
Wednesday, May 29, 2024 6:59 PM IST
മുണ്ടക്കയം: മുണ്ടക്കയം മണിമലയാറ്റിൽ ചൊവ്വാഴ്ച കാണാതായ യുവാവിനായി തെരച്ചിൽ ഊർജിതം. കളപ്പുരക്കൽ തിലകനെയാണ് കാണാതായത്. ഇന്ന് രാവിലെ മുതൽ കാഞ്ഞിരപ്പള്ളി ഫയർഫോഴ്സിന്റെയും സ്കൂബ ടീമിനെയും നേതൃത്വത്തിൽ കോസ് വേ പാലം മുതൽ തെരച്ചിൽ നടത്തിയിരുന്നു.
കോട്ടയത്തു നിന്നുള്ള പ്രത്യേക സംഘവും തെരച്ചിലിന് എത്തിയിരുന്നു. ഇത് കൂടാതെ ഈരാറ്റുപേട്ട കേന്ദ്രമായി പ്രവർത്തിക്കുന്ന നന്മക്കൂട്ടം റാപ്പിഡ് റെസ്പോൺസ് ടീം ഉച്ചയോടെ മണിമലയാറ്റിൽ തെരച്ചിലിനെത്തി.
പെരുവന്താനം പോലീസും കൊക്കയർ, മുണ്ടക്കയം പഞ്ചായത്ത് അധികൃതരും നാട്ടുകാരും തെരച്ചിലിൽ പങ്കാളികളാകുന്നുണ്ട്. അതേസമയം ഇന്ന് മഴ കുറഞ്ഞു നിൽക്കുന്നത് നേരിയ ആശ്വാസം നൽകുന്നുണ്ട്.