സംസ്ഥാനത്ത് ക്ഷേമപെന്ഷന് വിതരണം ഇന്ന്
Wednesday, May 29, 2024 10:12 AM IST
തിരുവനന്തപുരം: സംസ്ഥാനത്ത് സാമൂഹ്യ സുരക്ഷ, ക്ഷേമനിധി പെന്ഷനുകള് ബുധനാഴ്ച മുതല് വിതരണം ചെയ്യും. ഡിസംബർ മാസത്തെ പെൻഷൻ കുടിശികയാണു 29 മുതൽ വിതരണം ചെയ്യുക. ഇതിനായി 900 കോടി രൂപ കഴിഞ്ഞാഴ്ച ധനവകുപ്പ് അനുവദിച്ചിരുന്നു.
48.7 ലക്ഷം പേര്ക്ക് സാമൂഹിക സുരക്ഷാപെന്ഷനും 5.9 ലക്ഷംപേര്ക്ക് ക്ഷേമനിധി ബോര്ഡ് പെന്ഷനുമായി 1,600 രൂപവീതം ലഭിക്കും. ബാങ്ക് അക്കൗണ്ടില് പെന്ഷന് ലഭിക്കേണ്ടവര്ക്ക് അക്കൗണ്ട് മുഖേനയും വീട്ടില് പെന്ഷന് എത്തുന്നവര്ക്ക് സഹകരണസംഘം ജീവനക്കാർ വഴിയും പെന്ഷന് എത്തിക്കും.
തെരഞ്ഞെടുപ്പിന് മുമ്പ് രണ്ടുമാസത്തെ കുടിശിക തീര്ത്തിരുന്നു. നിലവില് മേയ് മാസത്തേത് ഉള്പ്പെടെ അഞ്ചുമാസത്തെ കുടിശികയാണുള്ളത്. കടുത്ത സാമ്പത്തിക പ്രതിസന്ധിയിലൂടെ സംസ്ഥാനം കടന്ന് പോകുന്നതിനാലാണ് പെന്ഷന് വിതരണം വൈകുന്നതെന്നാണ് റിപ്പോര്ട്ട്.