മുക്കുപണ്ടം പണയംവച്ച് പണം തട്ടിയ പ്രതികൾ പിടിയിൽ
Wednesday, May 29, 2024 7:17 AM IST
കോഴിക്കോട്: സ്വകാര്യ ധനകാര്യ സ്ഥാപനത്തില് മുക്കുപണ്ടം പണയംവെച്ച് 1,12,000 രൂപ തട്ടിയെടുത്ത യുവതിയും സുഹൃത്തും പിടിയിൽ. എറണാകുളം സ്വദേശിനി വലിയപറമ്പില് വാലുമ്മല് റോഡ് മുണ്ടംവേലി വി.ജെ. മേരി (30), കോഴിക്കോട് വാകയാട് പുറ്റങ്ങില്ലത്ത് എ.പി. സുബിന്ദാസ് (25) എന്നിവരാണ് പിടിയിലായത്.
സ്വർണമാണെന്ന് തെറ്റിധരിപ്പിച്ച് മുക്കുപണ്ടം പണയംവച്ച് പ്രതികൾ സ്വകാര്യ ബാങ്കിൽനിന്ന് പണംതട്ടുകയായിരുന്നു. ഇത്തരത്തില് തട്ടിപ്പ് സംഘത്തിലെ പ്രധാന കണ്ണികളാണ് മേരിയും സുബിന്ദാസും എന്ന് ഉദ്യോഗസ്ഥര് വ്യക്തമാക്കി.
മുൻപും സമാനമായ കുറ്റകൃത്യത്തിൽ ഏർപ്പെട്ടിട്ടുള്ളവരാണ് പ്രതികളെന്ന് പോലീസ് പറഞ്ഞു. കോടതിയില് ഹാജരാക്കിയ ഇരുവരെയും റിമാന്ഡ് ചെയ്തു.