പത്തുവയസുകാരൻ കുളത്തിൽ മുങ്ങി മരിച്ചു
Wednesday, May 29, 2024 12:29 AM IST
കോഴിക്കോട്: പത്തുവയസുകാരൻ കുളത്തിൽ മുങ്ങി മരിച്ചു. ചൊവ്വാഴ്ച വൈകിട്ടാണ് അപകടം. കൊടുവള്ളി ഓമശേരി മുടൂർ മൂസക്കുട്ടിയുടെ മകൻ മുഹമ്മദ് അജാസ് (10) ആണ് മരിച്ചത്.
കുളത്തിൽ ചൂണ്ടയിടുന്നതിനിടെ അപകടത്തിൽപ്പെട്ടെന്നാണ് നിഗമനം. വെള്ളത്തിൽ മുങ്ങിയ കുട്ടിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം തുടർ നടപടികൾക്ക് ശേഷം ബന്ധുക്കൾക്ക് വിട്ടുനൽകും.