റെയില്വേ സ്റ്റേഷനില് ലഗേജുമായി വീണു പരിക്കേറ്റ പോർട്ടർ മരിച്ചു
Tuesday, May 28, 2024 11:24 PM IST
ആലപ്പുഴ: ചെങ്ങന്നൂർ റെയില്വേ സ്റ്റേഷനില് ലഗേജുമായി വീണു പരിക്ക് പറ്റിയ പോർട്ടർ മരിച്ചു. തിട്ടമേല് പാണ്ഡവൻപാറ കുളഞ്ഞിയേത്ത് കെ.എൻ. സോമൻ (71) ആണു മരിച്ചത്.
രാവിലെ 11.45ന് രണ്ടാം നമ്പർ പ്ലാറ്റ്ഫോമിലാണ് സംഭവം. കണ്ണൂർ - തിരുവനന്തപുരം ജനശതാബ്ദി എക്സ്പ്രസ് ട്രെയിനില്നിന്ന് യാത്രക്കാരുടെ ലഗേജുമായി പടിക്കെട്ട് ഇറങ്ങുമ്പോള് കാല് തെന്നി വീഴുകയായിരുന്നു.
പടികള്ക്കു താഴേക്കു വീണ സോമന്റെ തലയ്ക്കു ഗുരുതര പരിക്ക് ഉണ്ടായിരുന്നു. ചെങ്ങന്നൂർ ജില്ലാ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.