മൊബൈൽ കടയിൽ കത്തി വീശി യുവാക്കളുടെ പരാക്രമം
Tuesday, May 28, 2024 9:37 PM IST
തൃശൂര്: ശക്തൻ ബസ് സ്റ്റാൻഡിലെ മൊബൈൽ കടയിൽ ഫോണിന്റെ സ്ക്രീൻ ഗാർഡ് ഒട്ടിക്കാനെത്തിയ യുവാക്കൾ ഭീകരാന്തരീക്ഷം സൃഷ്ടിച്ചു. ഇന്ന് രാത്രിയാണ് സംഭവം.
യുവാക്കള് കടയിലെത്തി മൊബൈലിന് സ്ക്രീൻ ഗാര്ഡ് ഒട്ടിക്കണമെന്ന് പറയുകയായിരുന്നു. ആദ്യം വന്നവരുടെ ഗ്ലാസ് ഒട്ടിക്കാനുണ്ടെന്നും അത് കഴിഞ്ഞ് ചെയ്യാമെന്നും കടയിലെ ജീവനക്കാരൻ പറഞ്ഞു. ഇതോടെയാണ് യുവാക്കള് പ്രകോപിതരായി.
തുടര്ന്ന് കത്തി വീശി ഭീകരാന്തരീക്ഷം സൃഷ്ടിക്കുകയായിരുന്നു. സംഭവത്തില് പോലീസ് അന്വേഷണം ആരംഭിച്ചു. പ്രതികളെക്കുറിച്ച് സൂചന ലഭിച്ചതായി പോലീസ് പറഞ്ഞു.