ഗുണ്ടാ ആക്രമണം: ഹോട്ടൽ ഉടമയ്ക്ക് ഗുരുതര പരിക്ക്
Tuesday, May 28, 2024 3:18 PM IST
കൊല്ലം: ചാത്തന്നൂരിൽ ഗുണ്ടാ ആക്രമണത്തിൽ ഹോട്ടലുടമയ്ക്ക് ഗുരുതര പരിക്ക്. ചാത്തന്നൂർ താഴം കൊച്ചുവീട്ടിൽ മനോജി (48)നാണ് പരിക്കേറ്റത്.
കഴിഞ്ഞ രാത്രി 10.45 ഓടെ കടയടച്ചു വീട്ടിലേക്ക് വരുമ്പോൾ ചാത്തന്നൂർ പഞ്ചായത്ത് കാര്യാലയത്തിന് സമീപമുള്ള ക്ഷേത്രത്തിന് സമീപം വച്ചാണ് ആക്രമണം ഉണ്ടായത്. ആക്രമണത്തിൽ യുവാവിന് തലയ്ക്കും മുഖത്തിനും ഗുരുതരമായി പരിക്കേറ്റു.
മനോജിനെ കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഹെൽമറ്റും റെയിൻ കോട്ടും ഇട്ടവർ ആണ് ആക്രമിച്ചതെന്ന് മനോജ് പറഞ്ഞു. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.