വാഹന രജിസ്ട്രേഷന് കേസ്: സുരേഷ് ഗോപി ഇന്ന് കോടതിയില് ഹാജരാകില്ല
Tuesday, May 28, 2024 10:38 AM IST
കൊച്ചി: പുതുച്ചേരിയില് വാഹനം രജിസ്റ്റര് ചെയ്ത കേസില് നടനും ബിജെപി നേതാവുമായ സുരേഷ് ഗോപി ഇന്ന് എറണാകുളത്തെ കോടതിയില് ഹാജരാകില്ല. കേസ് റദ്ദാക്കണമെന്നാവശ്യപ്പെട്ട് അദ്ദേഹം ഹൈക്കോടതിയെ സമീപിച്ചിട്ടുണ്ട്. ഇക്കാര്യം ചൂണ്ടിക്കാണിച്ചായിരിക്കും അവധി അപേക്ഷ നല്കുക.
വ്യാജ വിലാസം ഉപയോഗിച്ച് പുതിച്ചേരിയില് വാഹനം രജിസ്റ്റര് ചെയ്ത് നികുതി വെട്ടിച്ചുവെന്നാണ് കേസ്. 2010, 2016 വര്ഷങ്ങളിലായി രണ്ട് ആഡംബര കാറുകളാണ് സുരേഷ് ഗോപി പുതിച്ചേരിയിലെ മേല്വിലാസം ഉപയോഗിച്ച് രജിസ്റ്റര്ചെയ്തത്.
ഇതിലൂടെ 30 ലക്ഷം രൂപയുടെ നികുതി സംസ്ഥാനത്തിന് നഷ്ടം ഉണ്ടായെന്ന് ക്രൈം ബ്രാഞ്ച് കണ്ടെത്തിയിരുന്നു. കേസ് റദ്ദാക്കണമെന്ന സുരേഷ് ഗോപിയുടെ ആവശ്യം കോടതി നേരത്തെ തള്ളിയിരുന്നു.