കര്ണാടകയില് വാഹനാപകടം; മലയാളി യുവാവ് മരിച്ചു
Tuesday, May 28, 2024 9:43 AM IST
ബംഗളൂരു : കര്ണാടകയിലെ കോലാറിൽ പിക്കപ്പ് വാന് ലോറിയില് ഇടിച്ചുണ്ടായ അപകടത്തില് മലയാളി യുവാവ് മരിച്ചു. കാളികാവ് അഞ്ചച്ചവിടിയിലെ ആലുങ്ങല് സബീര് (43) ആണ് മരിച്ചത്. ഒപ്പം സഞ്ചരിച്ചയാള്ക്ക് പരിക്കുണ്ട്.
തട്ടാന്കുന്നിലെ ചോലക്കല് ജുനൈദിനാണ് പരിക്കേറ്റത്. ഇയാളുടെ പരിക്ക് സാരമുള്ളതല്ലെന്നാണ് വിവരം. പഴക്കച്ചവടക്കാരായ ഇരുവരും മാങ്ങ എടുക്കാന് പോയതായിരുന്നു.
സബീറാണ് വാഹനം ഓടിച്ചിരുന്നത്. ഗുരുതരമായി പരിക്കേറ്റ ഇയാളെ ഉടനെ ആശുപത്രിയില് എത്തിച്ചെങ്കിലും മരിച്ചു. ഭാര്യ: സജ്ന. മക്കള്: ഹന്ന മറിയം, ഹയ മറിയം, ഹൈദിന് മുഹമ്മദ്.