ചീരക്കുഴി ഡാമില് യുവാവ് മുങ്ങി മരിച്ച നിലയില്
Tuesday, May 28, 2024 7:39 AM IST
തൃശൂര്: പഴയന്നൂര് ചീരക്കുഴി ഡാമില് യുവാവ് മുങ്ങി മരിച്ച നിലയില്. തിങ്കളാഴ്ച ഉച്ചയോടെയാണ് സംഭവം. പാലക്കാട് പഴമ്പാലക്കോട് തരൂര് തെക്കുമുറി തെക്കേപ്പീടിക അബ്ദുള് റഹ്മാന് -മൈമൂന ദമ്പതികളുടെ മകന് ഹസനെ (32) ആണ് മരിച്ചനിലയില് കണ്ടെത്തിയത്.
പലചരക്ക് വ്യാപാരിയാണ് മരിച്ച ഹസന്. മൃതദേഹത്തിന് അധികം പഴക്കമില്ല. മത്സ്യബന്ധന തൊഴിലാളികളാണ് മൃതദേഹം ആദ്യം കണ്ടെത്തിയത്.
മൊബൈലും രേഖകളും പ്ലാസ്റ്റിക് കവറില് പൊതിഞ്ഞനിലയിൽ മൃതദേഹത്തിന്റെ പോക്കറ്റിൽനിന്ന് ലഭിച്ചു. മൃതദേഹം തുടർ നടപടികൾക്കായ് ആശുപത്രിയിലേക്ക് മാറ്റി.