സുരേഷ് ഗോപിക്കെതിരെയുള്ള വാഹന രജിസ്ട്രേഷൻ കേസ്; വിചാരണ ഇന്ന് ആരംഭിക്കും
Tuesday, May 28, 2024 6:09 AM IST
കൊച്ചി: നടനും ബിജെപി നേതാവുമായ സുരേഷ് ഗോപിക്കെതിരെയുള്ള വാഹന രജിസ്ട്രേഷൻ കേസിൽ വിചാരണ ഇന്ന് ആരംഭിക്കും. നികുതി വെട്ടിച്ച കേസിലാണ് വിചാരണ. ജനപ്രതിനിധികൾക്കുള്ള എറണാകുളത്തെ പ്രത്യേക കോടതിയിലാണ് വിചാരണ നടക്കുക.
വ്യാജ വിലാസം ഉപയോഗിച്ച് പുതിച്ചേരിയില് വാഹനം രജിസ്റ്റർ ചെയ്ത് നികുതി വെട്ടിച്ചുവെന്നാണ് കേസ്. 2010, 2016 വർഷങ്ങളിലായി രണ്ട് ആഡംബര കാറുകളാണ് സുരേഷ് ഗോപി പുതിച്ചേരിയിലെ വ്യജ മേൽവിലാസം ഉപയോഗിച്ച് രജിസ്റ്റർചെയ്തത്.
ഇതിലൂടെ 30 ലക്ഷം രൂപയുടെ നികുതി സംസ്ഥാനത്തിന് നഷ്ടം ഉണ്ടായെന്ന് ക്രൈം ബ്രാഞ്ച് കണ്ടെത്തിയിരുന്നു. കേസ് റദ്ദാക്കണമെന്ന സുരേഷ് ഗോപിയുടെ ആവശ്യം കോടതി നേരത്തെ തള്ളിയിരുന്നു.