ഓട്ടോയ്ക്ക് മുകളിൽ മരം വീണ് ഗുരുതര പരിക്കേറ്റ യുവാവ് ചികിത്സ വൈകിയതിനെ തുടർന്ന് മരിച്ചു
Saturday, May 25, 2024 9:30 PM IST
പാലക്കാട്: അട്ടപ്പാടി ഗൂളിക്കടവില് ഓടിക്കൊണ്ടിരുന്ന ഓട്ടോയ്ക്ക് മുകളില് മരം വീണ് ഗുരുതര പരിക്കേറ്റ യുവാവ് ചികിത്സ വൈകിയതിനെ തുടർന്ന് മരിച്ചു. ഒമ്മല സ്വദേശി ഫൈസൽ(25) ആണ് മരിച്ചത്.
അട്ടപ്പാടി ട്രൈബല് താലൂക്ക് സ്പെഷ്യാലിറ്റി ആശുപത്രിയില് എത്തിച്ച ഫൈസലിനെ വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് കൊണ്ടുപോകാന് വൈകിയെന്നാണ് പരാതി.
അട്ടപ്പാടി ട്രൈബല് താലൂക്ക് സ്പെഷ്യാലിറ്റി ആശുപത്രിയില് എത്തിച്ച ഫൈസലിനെ വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് കൊണ്ടുപോകാന് വൈകിയെന്നാണ് പരാതി.
അട്ടപ്പാടി കോട്ടത്തറ ട്രൈബല് സ്പെഷ്യാലിറ്റി ആശുപത്രിയില് ലൈഫ് സപ്പോര്ട്ട് ആംബുലന്സ് ഇല്ലാതിരുന്നതാണ് ചികിത്സ വൈകാന് ഇടയാക്കിയത്. ഒറ്റപ്പാലത്ത് നിന്ന് ആംബുലൻസ് എത്തിച്ചാണ് പരിക്കേറ്റ രോഗിയെ മാറ്റിയത്. പെരിന്തല്മണ്ണയിലെ സ്വകാര്യ ആശുപത്രിയിലേക്ക് റഫര് ചെയ്ത ഫൈസല് വഴിമധ്യേ മരിക്കുകയായിരുന്നു.