ദുബായിയിൽ മലയാളി യുവതിയെ മരിച്ച നിലയിൽ കണ്ടെത്തി
Saturday, May 25, 2024 7:18 PM IST
ദുബായ്: ദുബായിയിൽ മലയാളി യുവതിയെ കെട്ടിടത്തിൽ നിന്നും വീണ് മരിച്ച നിലയിൽ കണ്ടെത്തി. ഫുജൈറയിലാണ് സംഭവം.
തിരുവനന്തപുരം സ്വദേശിനി ഷാനിഫ ബാബു (37) ആണ് മരിച്ചത്. ഫുജൈറയില് നിര്മാണ കമ്പനി നടത്തുന്ന സനൂജ് ബഷീര് കോയയുടെ ഭാര്യയാണ് ഷാനിഫ.
ഇന്ന് രാവിലെയാണ് സംഭവം. ഫുജൈറ സെന്റ് മേരീസ് സ്കൂളിന് അടുത്തായിരുന്നു ഇവരുടെ താമസസ്ഥലം. കെട്ടിടത്തിലെ 19ാം നിലയില് നിന്ന് വീണ നിലയിലായിരുന്നു മൃതദേഹം കിടന്നിരുന്നത്.
ഷാനിഫയുടെ മൃതദേഹം ഫുജൈറ ആശുപത്രിയിലെ മോര്ച്ചറിയിലേക്ക് മാറ്റി. ഷാനിഫയ്ക്കും സനൂജിനും രണ്ട് പെണ്മക്കളുണ്ട്. സംഭവത്തില് പോലീസ് അന്വേഷണം ആരംഭിച്ചു.