മരം വെട്ടുന്നതിനിടെ കാൽ വഴുതി വൈദ്യുതി ലൈനിലേക്ക് വീണ് ഷോക്കേറ്റ് യുവാവ് മരിച്ചു
Saturday, May 25, 2024 4:26 PM IST
പാലക്കാട്: മരം വെട്ടുന്നതിനിടെ കാൽ വഴുതി വൈദ്യുത ലൈനിലേക്ക് വീണ് ഷോക്കേറ്റ് യുവാവ് മരിച്ചു. ചുള്ളിമട സ്വദേശി വിജയ് (42) ആണ് മരിച്ചത്.
ഷോക്കേറ്റ ഉടൻ തന്നെ മരണം സംഭവിച്ചു. മൃതദേഹം മരത്തില് തന്നെയായിരുന്നു. ഫയര് ഫോഴ്സെത്തിയാണ് മൃതദേഹം താഴേക്ക് ഇറക്കിയത്.
ഇത്തരം ജോലികളിലേര്പ്പെടുന്നവര് സുരക്ഷാമുൻകരുതല് തേടണമെന്നും, ജാഗ്രത പാലിക്കണമെന്നും ഈ ദാരുണസംഭവവും ഓര്മ്മപ്പെടുത്തുന്നു.