ചത്തീസ്ഗഡിൽ സുരക്ഷാസേനയുമായി ഏറ്റുമുട്ടൽ; ഒരു നക്സലേറ്റ് കൊല്ലപ്പെട്ടു
Saturday, May 25, 2024 4:17 PM IST
റായ്പുർ: ചത്തീസ്ഗഡിലെ സുക്മ ജില്ലയിൽ സുരക്ഷാസേനയുമായുള്ള ഏറ്റുമുട്ടലിൽ ഒരു നക്സലേറ്റ് കൊല്ലപ്പെട്ടു. കോണ്ട പോലീസ് സ്റ്റേഷൻ പരിധിയിലെ ബെൽപോച്ച ഗ്രാമത്തിലാണ് ഏറ്റുമുട്ടൽ നടന്നത്.
ഏറ്റുമുട്ടലിനിടെ ഒരു നക്സൽ പ്രവർത്തകൻ കൊല്ലപ്പെട്ടതായും സ്ഥലത്ത് നിന്ന് ആയുധം കണ്ടെടുത്തതായും പോലീസ് സൂപ്രണ്ട് കിരൺ ചവാൻ സംഭവം സ്ഥിരീകരിച്ചു. നിലവിൽ പ്രദേശത്ത് സമഗ്രമായ തിരച്ചിൽ നടക്കുന്നുണ്ടെന്നും ചവാൻ കൂട്ടിച്ചേർത്തു.