ക്ഷേത്രക്കുളത്തിൽ വീണ് 14 കാരൻ മരിച്ചു
Friday, May 24, 2024 11:15 PM IST
കോഴിക്കോട്: ക്ഷേത്രക്കുളത്തിൽ വീണ് വിദ്യാർഥി മരിച്ചു. ആഴ്ചവട്ടം ദ്വാരകയിൽ ജയപ്രകാശിന്റെ മകൻ സഞ്ജയ് കൃഷ്ണ (14) ആണ് മരിച്ചത്. രാവിലെ 11 ഓടെയാണ് അപകടം.
ആഴ്ചവട്ടം ശിവക്ഷേത്രക്കുളത്തില് വീണാണ് അപകടമുണ്ടായത്. മറ്റ് കുട്ടികൾക്കൊപ്പം ക്ഷേത്രക്കുളത്തിൽ കുളിക്കുന്നതിനിടെയാണ് അപകടം സംഭവിച്ചത്.
കുട്ടി കുളത്തിൽ മുങ്ങിപ്പോയ വിവരം നാട്ടുകാർ ഫയർഫോഴ്സിൽ അറിയിക്കുകയായിരുന്നു. തുടർന്ന് ഫയർഫോഴ്സെത്തി കുട്ടിയെ ആശുപത്രയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.